काठमाडौं । एमालेसहितको समर्थनमा मुख्यमन्त्रीमा दाबी पेश गरेका कांग्रेसका केदार कार्की प्रदेश प्रमुखको कार्यालयमा पुगेका छन् ।
४८ जना सांसदहरु सशरिर प्रदेश प्रमुख परशुराम खापुङको कार्यालयमा पुगेको निवर्तमान मुख्यमन्त्री हिक्मतकुमार कार्कीले लोकपथलाई जानकारी दिए ।
नेकपा एमालेका ३९ जना र कांग्रेसबाट ९ जना गरी हामी ४८ जना प्रदेश प्रमुखको कार्यालयमा पुगेको बताए ।
‘दाबी पेश गर्ने समय सकिएको कारण प्रदेश प्रमुखको निर्णय सुन्नका लागि हामी प्रमुख ज्यू को कार्यालयमा बसिरहेका छौँ ।’ कार्कीले लोकपथसँग भने ।
संविधानको धारा १६८ को उपधारा ५ बमोजिम केदार कार्कीले बिहीबार नै मुख्यमन्त्रीमा दाबी पेश गरेका थिए । उनलाई नेकपा एमालेको साथ रहेको छ । यता नेकपा माओवादी केन्द्र कोशी प्रदेशका संसदीय दलका नेता इन्द्र आङ्बोले पनि मुख्यमन्त्रीमा दाबी पेश गरेका छन् । उनलाई उनको दल माओवादी केन्द्रसहित नेपाली कांग्रेस, एकीकृत समाजवादी, जनता समाजवादीको समर्थन रहेको छ ।
राप्रपाको साथ गठबन्धनले खोजेपनि राप्रपा भने तटस्थ बस्ने निर्णय गरेको छ ।
प्रदेश प्रमुख खापुङले आज साझ ५ बजेसम्मका लागि संविधानको धारा १६८ को उपधारा ५ बमोजिम सरकार गठनका लागि समय दिएका थिए ।
यो खबर पढेर तपाईलाई कस्तो महसुस भयो ?
प्रतिक्रिया