विप्लव समूहमा भर्भराउँदो युवाहरु लागेको देख्दा चिन्ता लाग्छ : भट्टराई

 काठमाडौं । नेत्रविक्रम चन्द ‘विप्लव’ नेतृत्वको नेकपा समूहको क्रियाकलापलाई सरकारले गम्भीरतापूर्वक लिनुपर्ने बताएको छ । 

नयाँ शक्ति पार्टी नेपालका संयोजक डा. बाबुराम भट्टराईले बुधवार दिउँसो बसेको प्रतिनिधिसभा बैठकमा बोल्दै उनले विप्लव समूहको क्रियाकलापले राज्यलाई कमजोर बनाउने भन्दै त्यसतर्फ सचेत हुन आग्रह गरेका हुन् । 

विप्लव समूहमा भर्खरका युवाहरु लागेको देख्दा चिन्ता लागेको उनले बताए । 

‘विप्लव समूहमा भर्भराउँदो खालको युवाहरु खटेको देख्दा बढो चिन्ता लागेर आयो, उनीहरु अत्यन्तै गम्भीर ढंगले लागेका छन्’ बताउँदै उनले भने, ‘यदि हामीले ठीक ढंगले बेलैमा विकास र समृद्धिको सपना पूरा गर्न सकेनौं र हामीले जनतालाई सुशासन दिन सकेनौं भने त्यो ज्वाला फेरि फर्केर आउने खतरा देख्छु ।’ 

उनले थप्दै भने, ‘त्यो बाटो ठीक छैन । अहिलेको दिनमा त्यसले कहिँ पनि पुर्याउँदैन, त्यसमा मलाई कुनै पनि भ्रम छैन, तर उनीहरुले रक्तश्राव गरेर ब्लिडिङ गरेर यो राज्यलाई कमजोर पारिराख्ने सामर्थ्य राख्छन् ।’