२०८०,आश्विन,२,मंगलवार १५:३४
काठमाडौं । नेपाल प्रहरीले सुनको सिक्री लुटपाट गरेको आरोपमा ४ जनालाई पक्राउ गरेको छ । पक्राउ पर्नेमा सुरज गुरुङ,अनवर हुसेन अन्सारी र भारतीय नागरिक शक्ति भौमिक र सचिन गाड्वे रहेका छन् ।
गत भदौ २५ गते गुरुङले चलाएको मोटरसाइकलमा बसेर अन्सारीले अफ्सरा श्रेष्ठको घाँटीमा लगाई राखेको अन्दाजी २ तोला बराबरको सिक्री लुटेका थिए ।
पक्राउ परेका भारतीय नागरिकमाथि भने त्यो सिक्री किनेको आरोप छ । पक्राउ परेका उनीहरुका सम्बन्धमा थप अनुसन्धान भइरहेको प्रहरीले जनाएको छ ।
लोकतन्त्रको मुल्य,मान्यता र आदर्श नै हामीले सुनिश्चित गरेको मार्गचित्र हो । जनता र राष्ट्रप्रति सत्ता जहिले पनि जवाफदेही हुनैपर्छ । यसका लागि सधैँनै हामी सत्तासँग प्रश्न सोधिरहने छौँ । सरकार,प्रतिपक्ष र समाजका हरेक गतिविधिमाथि पनि पलपल हाम्रो दृष्टि रहिरहने छ । नभनिएका र नलेखिएका आमजनताका कथा–ब्यथा केलाउने जिम्मेवारी हाम्रो हो । किनकी हामीलाई हेक्का छ,हामी निरन्तर निगरानी सहित लोकपथको यात्रामा छौँ ।
