शेखर समूहको बैठकमा विश्व–प्रदीप नजाने

काठमाडौं । नेपाली कांग्रेसको संस्थापन इतर समूहले बोलाएको बैठक आज बस्दैछ । डा. शेखर कोइरालाले दिउँसो २ बजे बालुवाटारस्थित सम्पर्क कार्यालयमा बोलाएका हुन् ।

उक्त बैठकमा महामन्त्री विश्वप्रकाश शर्मा र केन्द्रीय सदस्य प्रदीप पौडेललाई बोलाइएको थियो । तर आजको बैठकमा नजाने महामन्त्री शर्मा जनाने बताएका छन् ।

महामन्त्री शर्माले सामाजिक सञ्जालमा लेख्दै घुमाउरो पाराले बैठकमा सहभागि नहुने बताए ।

आफू महामन्त्री भएको नाताले संयोजन गर्नुपर्ने र सम्पादन गर्नुपर्ने जरुरी विषयमा सजग रहेको बताए ।

‘दलहरुमा फरक विचार र विचार समुह हुनु स्वभाविक हो । कांग्रेसमा पनि छ ÷ छन् । यो अभ्यासलाई हार्दिक ढंगले लिइनुपर्छ ! तर अहिलेको समय महासमितिबाट नीति, गति र मति उपर साझा दृष्टि निर्माणको समय हो । यो कर्ममा महामन्त्रीले संयोजन र सम्पादन गर्नुपर्ने जरुरी विषयहरुप्रती सजग छु÷रहनेछु ।’ उनले सामाजिक सञ्जालमा भनेका छन् ।

त्यस्तै केन्द्रीय सदस्य पौडेल पनि उक्त बैठकमा नजाने बताएका छन् । उनी निकट स्रोतका अनुसार आजको बैठकमा नजाने भएका हुन् ।

‘बैठकको लागि निमन्त्रणा आएको थियो । तर व्यस्तताको कारण उपस्थित हुन नसक्ने जानकारी आएको छ ।’ उनी निकट स्रोत भन्यो ।

महामन्त्री शर्मा १४औँ महाधिवेशन अघि सभापति शेरबहादुर देउवा निकट रहेका थिए । तर १४औँ महाधिवेशनमा महामन्त्री लडेका उनी प्रकाशमान सिंहको समूहबाट महामन्त्री बनेका थिए ।

कुनै समूहरुमा पनि नरहेका शर्माको अर्का महामन्त्री गगनकुमार थापासँगको निटकताको कारण सोही समूहको होकी भन्ने मूूल्यांकन समेत हुने गरेको छ । यता सिटौला समूहका पौडेल गत महाधिवेशनमा देउवा समूहबाट महामन्त्रीमा प्रतिष्पर्धा गरेका थिए । महामन्त्रीमा पराजित भएका पौडेलले कांग्रेसको संसदीय दलको निर्वाचनमा भने महामन्त्री थापालाई सहयोग गरेका थिए ।