काठमाडौं । काठमाडौं महानगरपालिका वडा नं १६ का वडाध्यक्ष एवं काठमाडौं नेपाली कांग्रेस क्षेत्र नं ७ का सभापति स्वर्गीय मुकुन्द रिजालको १३औँ दिनको पुण्यतिथिमा श्रद्धाञ्जली सभा हुने भएको छ ।
नेपाली कांग्रेस काठमाडौं क्षेत्र नं ७ को आयोजनामा मंगलबार राष्ट्रिय सभागृहमा १३औँ दिनको पुण्यतिथिमा श्रद्धाञ्जली सभा हुन लागेको हो ।
सभापति शेरबहादुर देउवाको समुपस्थितीमा दिउँसो २ः३० बजे श्रद्धाञ्जली सभा हुने जनाइएको छ ।
२०२७ साल कार्तिक १९ गते जन्मिएका नेता रिजालको २०८० साल भदौ २१ गते उपचारको क्रममा ग्राण्डी इन्टरनेशनल अस्पतालमा भएको थियो ।
उक्त श्रद्धाञ्जली सभामा उपस्थित हुन नेपाली कांग्रेस क्षेत्र नं ७ ले आग्रह गरेको छ । यसैगरी मंगलबार नै काठमाडौं महानगरपालिकाले बिहान ९ बजे श्रद्धाञ्जली सभा गर्न लागेको छ ।
हक्की स्वभावका नेता रिजाल २०७४ सालमा पनि काठमाडौं महानगर–१६ बाट वडाध्यक्ष निर्वाचित भएका थिए । भने पार्टीको औँ महाधिवेशन र १४औँ महाधिवेशनबाट क्षेत्रीय सभापति बनेको थिए । राजनीतिमा सम्भावना बोकेका नेता रिजालको निधनले नेपाली कांग्रेस क्षेत्र नं ७ र समग्र कांग्रेसमा अपूर्ण क्षती पुगेको स्मरण गरिएको छ ।
