काठमाडौं । नेपाली बजारमा यो सातामा सुनको मूल्य प्रतितोला ५सय रुपैयाँले घटेको छ ।
नेपाल सुनचाँदी व्ययवसायी महासंघका अनुसार सुनको मूल्य गत साता शुक्रबारको तुलनामा तोलामा ५०० रुपैयाँले घटेको हो ।
गत साताको शुक्रबार छापावाल सुनको मूल्य तोलामा १ लाख १२ हजार ३०० रुपैयाँ कायम थियो । जुन, यो साताको शुक्रबारसम्ममा ५०० रुपैयाँले घटेर १ लाख ११ हजार ८०० रुपैयाँमा रहेको छ ।
यस्तै, गत साताको शुक्रबार तोलामा १ लाख ११ हजार ७५० रुपैयाँ रहेको तेजाबी सुनको मूल्य यो साता १ लाख ११ हजार २५० रुपैयाँ छ ।
यो साता चाँदीको मूल्य भने स्थिर रहेको छ । गत साताको शुक्रबार तोलामा १३ सय ९५ रुपैयाँ रहेको चाँदी यो साताको शुक्रबार समेत सोही मूल्यमा कारोबार भएको हो ।
