काठमाडाैं । एप्पलले आफ्नो बहुप्रतिक्षित आईफोन १५ सिरिज सार्वजनिक गरेको छ । मंगलवार राति एप्पलले आईफोन १५ सिरिज सर्वजनिक गरेको हो ।
आईफोन १५ सिरिज अन्तर्गत आईफोन १५, आईफोन १५ प्लस, आईफोन १५ प्रो र आईफोन १५ प्रो म्याक्स रहेका छन् ।
क्यामेरामा पनि एप्पलले आईफोन १५ लाई विशेष प्राथमिकता दिएको छ । आईफोन १५ का सबै मोडेलमा ४८ मेगापिक्सेलको मुख्य क्यामेरा छ । जसले डिफल्ट रूपमा २४ मेगापिक्सेलको सुपर हाइ रेजोलुसन सपोर्ट गर्ने कम्पनीले जनाएको छ । प्रो म्याक्स मोडेलमा फाइभएक्स टेलिफोटो क्यामेरा उपलब्ध छ ।
आईफोन १५ र आईफोन १५ प्लसमा आईफोन १४ को प्रो मोडेलमा प्रयोग गरिएको ए १६ बायोनिक सिप राखिएको छ । एप्पलले यी सबै मोडेलमा कम्पनीले टाइप(सी पोर्ट दिएको छ । जसले यूएसबी टु को तुलनामा २० गुणा तीव्र गतिमा डेटा ट्रान्सफर गर्ने कम्पनीको दाबी छ ।
फोन बजारमा सेप्टेम्बर २२ देखि उपलब्ध हुने कम्पनीले जनाएको छ । १२८ जीबी स्टोरेज भएको आईफोन १५ को बेस मोडेलको सुरुवाती मूल्य ७९९ डलर (करिब एक लाख पाँच हजार रुपैयाँ), १२८ जीबी इन्टर्नल स्टोरेज भएको आईफोन १५ प्लसको सुरुवाती मूल्य ८९९ डलर (करिब एक लाख १९ हजार रुपैयाँ), २५६ जीबी इन्टर्नल स्टोरेज भएको आईफोन १५ प्रोको सुरुवाती मूल्य ९९९ डलर (करिब एक लाख ३२ हजार रुपैयाँ) र २५६ जीबी इन्टर्नल स्टोरेज भएको आईफोन १५ प्रो म्याक्सको सुरुवाती मूल्य ११९९ डलर (करिब एक लाख ५८ हजार रुपैयाँ) तोकिएको छ ।
