काठमाडौं । पूर्व राष्ट्रपति विद्यादेवी भण्डारीले संविधानसभा अध्यक्ष एवं पूर्व सभामुख सुवासचन्द्र नेम्वाङको पार्थिव शरिरमा राष्ट्रिय झण्डा ओडाएर श्रद्धाञ्जली व्यक्त गरेकी छिन् ।
मंगलबार एमालेको पार्टी कार्यालय च्यासल पुगेर पूर्व राष्ट्रपति भण्डारीले श्रद्धाञ्जली अर्पण गरेकी हुन् ।
लामो समय सँगै सहकार्य गरेका कारण उनको पार्थिव शरिरमा झण्डा ओडाएपछि भण्डारी भावुक देखिएकी थिइन् । अहिले पार्टीको केन्द्रीय कार्यालय च्यासलमा नेम्वाङको पार्थिव शरिरमा श्रद्धाञ्जली अर्पण गर्नेहरुको भीड लागेको छ ।
गएराति हृदयघातका कारण नेम्वाङको निधन भएको हो । राति बालुवाटारस्थित निवासको बाथरुममा लडेको अवस्थामा भेटिएका नेम्वाङलाई त्रिवि शिक्षण अस्पताल महाराजगञ्ज पुर्याइएको थियो । अस्पतालले मृत घोषणा गरेसँगै श्रद्धाञ्जलीका लागि अस्पतालमै नेता कार्यकर्ता तथा सर्वसाधारणको समेत भीड लागेको थियो ।
उनका छोराहरु बेलायत र अष्ट्रेलियाबाट आउँदै भएकाले आज र भोलि पार्टी कार्यालय च्यासलमा राखिन लागिएको हो ।
अहिले पार्टी कार्यालय च्यासलमा श्रद्धाञ्जलीका लागि नेता कार्यकर्ता तथा सर्वसाधारणको भीड लागेको छ ।
यो खबर पढेर तपाईलाई कस्तो महसुस भयो ?
प्रतिक्रिया