झण्डा ओढाएर मेयर बालेनले गरे रिजाललाई श्रद्धाञ्जली अर्पण

काठमाडौं । काठमाडौं महानगरपालिका-१६ का वडाध्यक्ष मुकुन्द रिजालको निधन भएको छ । ग्राण्डी इन्टरनेशनल अस्पतालमा उपचारका क्रममा वडाध्यक्ष रिजालको निधन भएको हो ।

उनी पाँच दिनअघि अस्पताल भर्ना भएका थिए । फोक्सोमा पानी जमेर निमोनियाको पनि समस्या देखिएपछि भेन्टिलेटरमा राखेर उपचार भइरहेको थियो ।

श्रद्धाञ्जली अर्पण गर्ने रिजालको शव हाल राष्ट्रिय सभागृहमा राखिएको छ । काठमाडौं महानगरपालिकाका मेयर बालेन साह र उपमेयर सुनिता डंगोलले रिजाललाई श्रद्धाञ्जली अर्पण गरेका छन् ।

उनको आजै पशुपति आर्यघाटमा अन्त्येष्टि गरिने परिवार स्रोतले जनाएको छ ।