काठमाडौं, ९ कात्तिक – प्रधानमन्त्री शेरबहादुर देउवालाई चुनौति दिने गरी नेकपा माओवादी केन्द्रका अध्यक्ष पुष्पकमल दाहाल प्रचण्डले अभिव्यक्ति दिएका छन् । उनले देउवा चुनाव सार्ने खेलमा लागेको भन्दै तयो गरिए विघटित संसद स्वतः पुनस्र्थापित हुने बताएका छन् बिहिबार आधुनिक नेपालको इतिहास नामक पुस्तकको बिमोचन कार्यक्रममा बोल्दै प्रचण्डले प्रदेश र प्रतिनिधिसभा निर्वाचन हुने सुनिस्चितता भएकालेमात्रै संसद स्वतः विघटन भएको तर्क गर्दै चुनाव नहुने अवस्था आए संसद पुर्नस्थापना हुने बताए उनले चुनाव नभए देश जटिलतातिर जाने चेतावनी समेत दिए । निर्वाचन आयोगले छापेको प्रदेश र प्रतिनिधिसभा निर्वाचनको मतपत्र फरक फरक रहेको उल्लेख गर्दै प्रचण्डले मतदाताहरुले आफ्नो अधिकार प्रयोग गर्न कुनै समस्या नभएको समेत सो क्रममा बताए उनले सरकारलाई चेतावनी दिँदै भने, ‘ निर्वाचनलाई प्रभावित गर्न खोजिए देश र संविधानको लागि राम्रो हुन्न । यो देशमा परिवर्तनकारी मिल्न खोज्यो भने ठूलठूला षड्यन्त्र हुन्छन्, अहिले पनि भइरहेको त्यही हो ।’
