काठमाडौं । सुन तस्करी प्रकरणमा केन्द्रीय अनुसन्धान ब्यूरो सिआइबी ले थप एक जनालाई पक्राउ गरेको छ ।
त्रिभुवन अन्तर्राष्ट्रिय विमानस्थलबाट बरामद भएको ६० किलो ७ सय १६ ग्राम सुन प्रकरणमा ब्यूरोले बुटवल घर भएका सुमन खरेललाई पक्राउ गरेको हो ।
खरेल सुन तस्करीमा संलग्न चिनियाँ नागरिकका सहयोगी भएको खुलेको छ ।
योसँगै सुन तस्करी प्रकरणमा हालसम्म पक्राउ पर्नेको संख्या २६ पुगेको छ ।
राजस्व अनुसन्धान विभागले त्रिभुवन अन्तर्राष्ट्रिय विमानस्थलबाट गत साउन ३ मा ६० किलो ७ सय १६ ग्राम सुन बरामद गरेको थियो ।
यो खबर पढेर तपाईलाई कस्तो महसुस भयो ?
प्रतिक्रिया