जुम्लामा जीप दुर्घटना, २ जनाको मृत्यु

काठमाडाैं । जुम्लामा जीप दुर्घटना भएको छ । जुम्लाबाट मुगु जाँदै गरेको जीप जुम्लाको कनकासुन्दरी गाउँपालिका–४ ठगुरेना भन्नेमा ठाउँमा दुर्घटना भएको हो ।

दुर्घटना परी दुई जनाको मृत्यु भएको जिल्ला प्रहरी कार्यालय जुम्लाका प्रहरी निरीक्षक उमेश चन्दले बताएका छन् । भे १ ज १०९९ नम्बरको बोलेरो जीप सडकबाट करिब ३ सय मिटर तल खसेको छ ।

मृतकको पहिचान भएको छैन । प्रहरीले घटनाबारे थप विवरण आउन बाँकी रहेको जनाएको छ ।