संसदमा आज पनि एमालेको विरोध, बैठक अवरुद्ध

काठमाडौं । प्रमुख प्रतिपक्षी दल नेकपा एमालेले आज पनि संसद बैठकमा अवरोध सिर्जना गरेको छ ।

सुन काण्डमा उच्चस्तरीय छानबिन समिति गठनको मागसहित एमालेले आज पनि संसद अवरोध गरेको हो ।

यसअघिका बैठकमा पनि एमालेले निरन्तर संसद अवरोध गरिरहेको थियो ।

साउन २ गते विमानस्थल बाहिरबाट बरामद गरिएको सुन प्रकरणको छानबिनका लागि उच्चस्तरीय छानबिन समिति गठन नभएसम्म सदनको कामकारबाही अघि बढ्न नदिने एमालेले चेतावनी दिँदै आइरहेको छ ।