काठमाडौं । नर्वेजियन नागरिक क्रिस्टिन हरिला र तेन्जेन (लामा) शेर्पाले विश्वको दोस्रो अग्लो माउन्ट केटू हिमालको सफल आरोहण गरेका छन् ।
यसअघि नेपाली पर्वतारोही निर्मल पुर्जाको विश्व कीर्तिमानी तोड्दै क्रिस्टिन र तेन्जेन शेर्पाले नयाँ रेकर्ड बनाएका हुन् ।
पाकिस्तानमा रहेको ८,६११ मिटर उचाइको माउन्ट केटू क्रिस्टिन, तेन्जेन र शेर्पा गाइड मिङ्तेम्बा शेर्पाले बिहीबार बिहान १०ः४५ बजे सफल आरोहण गरेका हुन् ।
उक्त हिमालको सफल आरोहणसँगै क्रिष्टिन र तेन्जेनले विश्वका आठ हजार मिटरभन्दा अग्ला १४ वटा हिमालहरु तीन महिना एक दिनमा सफल आरोहण गरेका छन् । क्रिस्टिनले १४ वटै हिमालहरु शेर्पा गाइड तेन्जेन शेर्पासँगै नै आरोहण गरेकी हुन् ।
हरिला र तेन्जेनले आठ हजार मिटरभन्दा अग्ला १४ वटा हिमाल तीन महिनामै आरोहण गरेका हुन् ।
यसअघि, पुर्जाले सात महिनाभन्दा कम समयमै आठ हजार मिटरभन्दा अग्ला १४ वटा हिमालहरु सफल आरोहण गरी विश्व कीर्तिमान बनाएका थिए ।
यो खबर पढेर तपाईलाई कस्तो महसुस भयो ?
प्रतिक्रिया