काठमाडौं । नेपाली कांग्रेस नेता रघुनाथ पौडेलले, कांग्रेस, एमाले र माओवादीका नेतादेखि जनता तर्सिन थालेको टिप्पणी गरेका छन् ।
मंगलबार काठमाडौंमा आयोजित ४१औं बीपी स्मृती सप्ताहको अवसरमा आयोजित ‘वर्तमान राजनीतिक चुनौतीहरु र नेपाली कांग्रेसको दायित्व’ विषयक विचार गोष्ठी कार्यक्रममा तनहु पूर्व सभापतिसमते रहेका नेता पौडेलले अहिले कांग्रेस, एमाले र माओवादीका नेता घुम्न जाँदासमेत मान्छे तर्सिन थालेको टिप्पणी गरेका हुन् ।
उनले भने ‘अहिले कांग्रेस एमाले र माओवादीका नेता घुम्न जाँदा मान्छे तर्सिन्छन्। अहिलेका नेताबाट दुर्गन्ध आउन थाल्यो । भ्रष्टाचार, नातावाद, कृपावाद, र परिवारवादको दृर्गन्ध आउन थाल्यो । र नेपाली जनता पुराना पार्टीबाट विर्कषित भएका छन् । ’
उनले अव यो पार्टीहरु आकर्षणको बाटोमा लाग्नको लागि नेपालीहरुको मर्म बुझेर उनिहरुको लागि काम गर्नु पर्ने बताएका छन् ।
यो खबर पढेर तपाईलाई कस्तो महसुस भयो ?
प्रतिक्रिया