‘डीपीएल’ क्रिकेट : साविक विजेता धनगढी स्टार्सको लगातार दोस्रो हार


लोकपथ
प्रकाशित मिति : २९ माघ २०७५, मंगलवार ०७:००

काठमाडौं । जारी धनगढी प्रिमियर लिग ‘डीपीएल’ क्रिकेटमा साविक विजेता धनगढी स्टार्सले लगातार  दोस्रो हार बेहोरेको छ । 

फाप्ला क्रिकेट मैदानमा मंगलवार भएको पहिलो खेलमा धनगढी सिवाईसी अत्तरियासँग ५ रनले पराजित भएको हो । ९६ रनको सामान्य लक्ष्य लिएर मैदानमा ब्याटिङ गरेको धनगढीको पारी ९ विकेटको क्षतीमा मात्र ९१ रनमा समेटिएको थियो ।

धनगढीका लागि राजु रिजालले सर्वाधिक २६ रन जोडे । रोहन मुस्तफाले १८ रन, सन्दीप रजालीले ११ रन तथा कप्तान सोमपाल कामीले मात्र १० रन बनाए । यता अत्तरियाका लागि भुवन कार्कीले ४ तथा सन्नी पटेलले २ विकेट लिए । 

यस अघि टस जितेर पहिले ब्याटिङ गरेको अत्तरियाले निर्धारित २० ओभरमा ५ विकेट गुमाउँदै ९५ रनको योगफल तयार पारेको थियो ।  

अत्तरियाका लागि सन्नी पटेलले नटआउट रहँदै सर्वाधिक ३५ रन जोडे । त्यस्तै जयकिशन कोश्लावालाले २१ रन, प्रेम तामाङले १२ रन तथा कप्तान दिपेन्द्र सिंह ऐरीले ११ रन जोडे । 

यता धनगढीका रोहन मुस्तफाले २ तथा अमीर हायत, सोमपाल कामी र बिपिन खत्रीले समान १-१ विकेट लिए । सोमवार भएको पहिलो खेलमा साविक विजेता धनगढी काठमाडौं गोल्डेन्ससँग ४ विकेटले पराजित भएको थियो ।

अब धनगढीले तेस्रो खेलमा भोली ‘बुधवार’ विराटनगर किङसको सामना गर्नेछ । 

Tags :
प्रतिक्रिया दिनुहोस
यू-१९ एसिया कप: पहिलो खेल श्रीलंकासँग खेल्ने, जोराको कमब्याक

काठमाडौं । एसीसी यू-१९ एसिया कप क्रिकेटमा नेपाल समूह ‘बी’ मा परेको छ

चोट मुक्त हुँदै मेस्सी प्रशिक्षणमा फर्किए

एजेन्सी । खुट्टाको चोटका करण मैदान बाहिर रहेका बार्सिलोनाका कप्तान लियोनल मेस्सी चोट

आईसीसीको महिला वरियतामा नेपाल १४ औं स्थानमा

काठमाडौं । अन्तराष्ट्रिय क्रिकेट परिषद (आईसीसी) को महिला टी–ट्वान्टी क्रिकेट वरियतामा नेपाल यथावत

यू–१९ एसिया कप क्रिकेटः नेपाल सहज समूहमा

काठमाडौं । श्रीलंकामा आयोजना हुने एसीसी यू–१९ एसिया कप क्रिकेटमा नेपाल समूह ’बी’