२७ माघ २०७५, आईतवार १०:३९

विश्वका चर्चित ‘फस्ट लेडी’, मोडलदेखि गायिकासम्म


प्रकाशित मिति : २७ माघ २०७५, आईतवार १०:३९

-सिर्जना मिश्र 

काठमाडौं । ‘फस्ट लेडी’ कुनै पनि देशको सम्मानिय पदमा रहेको व्यक्तिको श्रीमतीका रुपमा चिनिन्छन् ।

एक पुरुषलाई सफल बनाउन श्रीमतीले महत्वपूर्ण भुमिका खेलेको हुन्छ । साथै, देशको सम्मानिय पदमा रहेको आफ्नो जीवनसाथीलाई सफल बनाउन अहोरात्र भुमिका खेल्ने भएकाले पनि ‘फस्ट लेडी’को विशेष महत्व रहन्छ ।

विश्वका चर्चित ‘फस्ट लेडी’ कस्ता छन् र उनीहरु के-कस्ता पेसामा आवद्ध छन् ?

मेलानिया

मेलानिया ट्रम्प अमेरिकाकी ‘फस्ट लेडी’ हुन् । 

स्लोभेनियामा जन्मिएकी मेलानिया इटाली र फ्रान्समा मोडलिङ एजेन्सीमा आवद्ध थिइन् । उनी मोडलिङकै क्रममा सन् १९९६ मा न्युयोर्क आएकी थिईन । न्युयोर्क आएको छोटो समयमै यी सुपर मोडल डोनाल्ड ट्रम्पकोे स्वामित्वमा रहेको मोडलिङ कम्पनीसँग आवद्ध भइन् ।

मोडलिङ गर्ने क्रममा नै मोनालिया र ट्रम्पबीच अफेर शुरु भएको थियो । उनीहरुले सन् २००५ मा विवाह गरेका थिए ।

२. पेङ लियुआन

चिनीयाँ राष्ट्रपति सी जिन पिङकी श्रीमती पेङ लियुआन लोकगायिका हुन् । सन् २०१२ देखि सन् २०१७ सम्म उनी जनमुक्ति सेनाको आर्ट एकेडेमीकी अध्यक्ष समेत थिइन् ।

उनी आफ्नो सहयोगी र उदार मनका कारण लोकप्रिय छिन् । अन्तर्राष्ट्रिय मिडियाहरुले पुर्व बेलायती राजकुमारी डायना र अहिलेकी बेलायती राजकुुमारी केट मिडिलटसँग उनको तुलना गर्दै आइरहेको छ ।

गायनसँगै पिङले चिनियाँ सेनामा मेजर जनरलको जिम्मेवारी पनि सम्हाल्दै आएकी छिन् । सन् २०११ मा उनी क्षयरोग र एचआईभी एड्स्विरुद्धको अभियानका लागि विश्व स्वास्थ्य संगठनको ‘ब्रान्ड एम्बेसडर’ बनेकी थिइन् ।

महिला शिक्षाको प्रवद्धन गर्न पनि उनले विशेष जोड दिदैँ आइरहेकी छिन् । विदेशमा औपचारिक कार्यक्रममा जाँदा पिङको फेसन स्टाइलले अन्तर्राष्ट्रिय मिडियामा राम्रो ‘स्पेस’ पाउने गरेको छ ।

३. री सोल जु :

उत्तर कोरियाका नेता किम जोङ उनको श्रीमती बारे देशभित्र कमै मात्र समाचार बन्छन् । तर, अन्तर्राष्ट्रिय मिडियाले किमकी श्रीमतीका बिषयमा धेरै खोजी गर्ने गरेको थियो । यसै वर्ष किमको २८ मा चीन भ्रमणका क्रममा री सोल आकर्षणको पात्र बनेकी थिइन् ।

उनले आफ्ना श्रीमान्सँगै चिनियाँ राष्ट्रपति सी जिन पिङसँग शिष्टाचार भेट गरेकी थिइन् । अप्रिलमा दक्षिण कोरिया र उत्तर कोरियाबीच भएको वार्ताको दैरान री सोल जु पनि उपस्थित थिइन्।

उनलाई उत्तर कोरियाकी ‘सम्मानित प्रथम महिला’ भनेर सरकारी सञ्चार माध्यमले पहिलो पटक सम्बोधन गरेको थियो । उनी तीन छोराछोरीकी आमा समेत हुन ।

सोफी गिगोइरे:

क्यानेडेली राष्ट्रपति जस्टिन ट्डियुकी श्रीमती सोफी कुनै समय टेलिभिजनको प्रस्तोता थिइन् । अहिले समाजसेवामा सक्रिय छिन् ।

४३ वर्षकी सोफी विभिन्न कार्यक्रम होस्ट पनि गछिन् । गैर सरकारी संस्थाले गर्ने विभिन्न काममा स्वयंसेवकको रुपमा सहभागी हुन्छिन् महिला र बालबालिकाका मुद्दामा उनको चासो धेरै रहन्छ । ब्रिगिटी माक्रोनः फ्रान्सका राष्ट्रपति इम्मानुयल माक्रोन युवा छन् ।

४० बर्षीय माक्रोनबाट देशले ठुलो अपेक्षा गरेको छ । फ्रान्सकी प्रथम महिला ब्रिगिटी माक्रोन भने ६५ वर्षकी भइन् । आफुभन्दा २५ वर्ष कान्छा युवासँगको ब्रिगिटीको प्रेम सम्बन्ध रोचक छ । पूर्वपति आन्द्रे लुइससँगको ३२ वर्षे लामो सम्बन्ध तोडिएको एक वर्ष पछि ब्रिगिटीले इम्मानुयलसँग विवाह गरेकी थिइन् ।

पूर्वपतिका तीन छोरी अहिले ब्रिगिटीसँग छन् । ९० को दशकमा इम्मानुयल पढ्ने स्कुलमा ब्रिगिटीले पढाउथिँन् ।

त्यहि क्रममा शिक्षक र विद्यार्थी बिच प्रेम बसेको हो । बुस्रा बिबी पाकिस्तानी मिडियाहरु दुई महिलालाई ‘फस्र्ट लेडी’का रुपमा सम्बोधन गर्छन् । 

राष्ट्रपति आरिफ अल्भिकी श्रीमती सामिना अल्भि र प्रधानमन्त्री इमरान खानकी पत्नी बुस्रा मानेका । पाकिस्तानका प्रधानमन्त्री इमरान खानकी कार्यकारी पदमा भएका कारण पनि उनकी पत्नी बुस्रा मानेकाको चर्चा धेरै हुन्छ ।

खाबर नेकासँगका ३० वर्षे वैवाहिक सम्बन्धलाई गत वर्ष पुर्णविराम लगाएपछि यसै वर्ष मानेकाले इमरानसँग विवाह गरेकी थिइन् । पहिलो श्रीमानबाट उनका तीन छोरी र दुई छोरा छन् । उनी धार्मिक काम निक्कै रुची राख्छिन् ।

प्रतिक्रिया दिनुहोस
मिस वर्ल्डमा सहभागी हुन अनुष्का श्रेष्ठ लण्डन प्रस्थान

काठमाडौं । मिस नेपाल वर्ल्ड २०१९ विजेता अनुष्का श्रेष्ठ लण्डन प्रस्थान गरेकी छिन्

चलचित्र ‘शुभ लभ’ युरोप टुरमा लैजाने

काठमाडौं। बुद्ध ईन्टरटेनमेन्टको ब्यानरमा निर्माणमा भएको चलचित्र ‘शुभ लभ’ युरोप टुरमा लगिने भएको

प्रियंका कार्कीद्वारा निर्देशित पहिलो भिडियो ‘मेरै लाहुरेले’ सार्वजनिक

काठमाडौं । अभिनेत्री प्रियंका कार्कीको निर्देशनमा पहिलो म्युजिक भिडियो सार्वजनिक भएको छ ।

अभि जिसीको गीत ‘जाली माया…’ सार्वजनिक (भिडियोसहित)

काठमाडौं । अभि जिसीको स्वरमा रहेको गीत ‘जाली माया…’ सार्वजनिक भएको छ ।