काठमाडौं महानगरले दियो ललिता निवासमा बनेका संरचना हटाउन ७ दिने अल्टिमेटम

काठमाडौं । बालुवाटारस्थित ललिता निवासको जग्गामा बनेका संरचना हटाउन काठमाडौं महानगरपालिकाले सात दिने अल्टिमेटम दिएको छ ।

आइतबार महानगर प्रमुख बालेन शाहको निर्देशनमा ललिता निवास पुगेको महानगर प्रहरीले ललिता निवासको जग्गामा बनेका संरचना हटाउन ७ दिने अल्टिमेटम दिएको हो ।

राजु पाण्डे नेतृत्वको डेढ सयभन्दा बढीको महानगर प्रहरीको टोली बालुवाटार पुगेका थिए । ललितानिवास अन्तर्गतको खाली रहेको सार्वजनिक जग्गा संरक्षणका लागि महानगरले काम सुरू गरेको थियो ।

ललिता निवास परिसरभित्र र वरिपरि राष्ट्र बैंकको निर्माणाधीन भवनका सामान राखिएका छन् ।