काठमाडौं । संस्कृति, पर्यटन तथा नागरिक उड्डयनमन्त्री सुदन किरातीले नेपालमा एभिएसन सम्बन्धि दक्ष जनशक्ति उत्पादन गर्न पर्यटन विश्वविद्यालय स्थापनाको काम अघि बढेको बताएका छन् ।
सोमवार प्रतिनिधिसभा बैठकमा विनियोजन विधेयक २०८० माथिको मन्त्रालयगत विषयमा सांसदहरुले राखेको प्रश्नको जवाफमा उनले पर्यटनको विकास र प्रवद्र्धनको लागि नेपालमा पर्यटकीय विश्वविद्यालय स्थापना गर्न समिति गठन गरेको बताए ।
नेपाल पर्यटन तथा होटल व्यवसाय प्रतिष्ठान र नेपाल पर्वतीय प्रतिष्ठनलाई एकीकरण गरेर पर्यटकीय विश्वविद्यालय स्थापनाको तयारी गर्न लागेको उल्लेख गरे।
उनले भने ‘होटल व्यवसाय प्रतिष्ठान र नेपाल पर्वतीय प्रतिष्ठनालाई एकिकरण गर्ने प्रस्ताव बजेटमा गरिको छ । यी दुई संस्थालाई एकीकरण गर्दै पर्यटकीय विश्वविद्यालय स्थापनाको लागि तयारी गर्न समिति गठन भैसकेको छ ।’
उनले पर्यटन विश्वविद्यालयको स्थापना पछि आवश्यकताको आधारमा प्रादेशिक रुपमा अन्य कलेज स्थापना गर्ने जिकिर पनि गरे ।
यो खबर पढेर तपाईलाई कस्तो महसुस भयो ?
प्रतिक्रिया