काठमाडौं । सरकारले दिल्लीस्थित नेपाली दूतावासलाई अखण्ड भारत सम्बन्धी नक्साको वास्तविकता बुझेर रिपोर्ट बुझाउन निर्देशन दिएको छ ।
दिल्लीस्थित नेपाली दूतावासलाई अखण्ड भारत नक्साको वास्तविकता बुझ्न निर्देशन दिएको जानकारी परराष्ट्रमन्त्री एनपी साउदले आज बसेको अन्तर्राष्ट्रिय सम्बन्ध समितिको बैठकमा दिएका हुन् ।
भारतले बनाएको नयाँ संसद भवन भित्र राखेको अखण्ड भारत सम्बन्धी नक्सामा लुम्बिनी, कपिलवस्तु लगायतका नेपाली भूभागहरु पनि समेटिएर नक्सा सार्वजनिक भएपछि नेपालमा भारतको चर्को आलोचना हुँदै आएको छ । सो नक्सामा पाकिस्तानको भूभागसमेत उल्लेख छ । नक्साभित्र नेपालका लुम्बिनी र कपिलवस्तु तथा भारतबाट छुटेर बनेको पाकिस्तानको तक्षशिलालाई स्पष्ट देखाइएको छ ।
यो खबर पढेर तपाईलाई कस्तो महसुस भयो ?
प्रतिक्रिया