‘द केरला स्टोरी’को सफलतापछि सुदिप्तो सेनले गरे अर्को फिल्मको घोषणा

काठमाडौं । सुदिप्तो सेन निर्देशित फिल्म द केरला स्टोरीले निकै चर्चा कमायो । यो फिल्मले बक्स अफिसमा उत्कृष्ट कमाई गरेको छ । वास्तविक जीवनसँग जोडिएको यो फिल्मको कथालाई मानिसहरुले मन पराएका छन् । यही कारण यो फिल्मले बक्स अफिसमा २३८ करोडभन्दा बढीको कमाई गरेको छ ।

द केरला स्टोरीको सफलता देखेर अब सुदीप्तो सेनले आफ्नो दोस्रो फिल्मको घोषणा गरेका छन् ।

भारतमा भएको माओवादी आन्दोलनको ५० वर्षको बारेमा सुदीप्तो सेनले फिल्म बनाउने घोषणा गरेका छन् । यसबारे सुदिप्तो सेन भनेका छन्, ‘मेरो अर्को फिल्म भारतमा भएको माओवादी आन्दोलनको ५० वर्षको बारेमा हुनेछ।’