काठमाडौं, ८ कात्तिक — माओवादी केन्द्रका नेता पूर्वमन्त्री धनिराम पौडेलले पार्टी र सरकारमा सहभागि मन्त्रीहरुमाथि गम्भीर आरोप लगाएका छन् ।उनले मन्त्रीहरु शेरबहादुर देउवा नेतृत्वको सरकारमा ‘अपमानित भएर बसिरहनु भनेको सत्तामोह र एकाध महिना भएपनि जागिर खाऊँ भन्ने लोभबाहेक’ अरु केहि नभएको आरोप लगाएका हुन् ।सामाजिक सञ्जालमार्फत पूर्वमन्त्री पौडेलले सरकारले चुनाव सार्न सक्ने भएकाले चुनावको सुनिश्चितताको लागि विना विभागीय भए पनि सरकारमा बस्ने कुरालाई एक हदसम्म स्वभाविक माने पनि अब उम्मेदवारहरुले मत माग्न थालिसक्दा पनि निश्पक्ष, स्वच्छ र धाँधलिरहित चुुनाव गर्न मन्त्री पदमा रहिरहनु आवश्यक छ भन्ने आशय व्यक्त गर्दै सरकारमा अपमानित भएर बसिरहनुको औचित्य नभएको बताएका हुन् ।उनले पार्टीको तर्फबाट मन्त्री भएकाहरुलाई फिर्ता बोलाउनु वा राजिनामा दिनु सान्दर्भिक हुने समेत बताएका छन् ।यस्तो छ उनको टिप्पणीःविचाराधिन मुद्दामा सर्वोच्च अदालतले गर्ने फैसला वा अरु कुनै निमित्त कारण देखाएर सरकारले चुनाव सार्न वा टार्न सक्छ भन्दै चुनावको सुनिश्चितताको लागि विना विभागीय भए पनि सरकारमा बस्ने कुरालाई एक हदसम्म स्वभाविक माने पनि अब उम्मेदवारहरुले मत माग्न थालिसक्दा पनि निश्पक्ष, स्वच्छ र धाँधलिरहित चुुनाव गर्न हामी मन्त्री पदमा रहिरहनु आवश्यक छ भन्ने आशय व्यक्त गर्दै सरकारमा अपमानित भएर बसिरहनु भनेको सत्तामोह र एकाध महिना भए पनि जागिर खाऊँ भन्ने लोभबाहेक केही पनि होइन । अतस् पार्टीको तर्फबाट मन्त्री साथीहरुलाई फिर्ता बोलाउनु वा राजिनामा दिनु सान्दर्भिक हुनेछ ।
