काठमाडौं । प्रतिनिधि सभा बैठक भोलिसम्मका लागि सरेको छ ।
आज बिहान ११ बजेका लागि बोलाइएको बैठकमा प्रमुख प्रतिपक्षी एमालेसहितका दलहरुले विरोध जनाएपछि बैठक १ घण्टाका लागि स्थगित गरिएको थियो ।
संसदको बैठक रोकेर एमालेसहितका दलसँग सभामुखले छलफल गरेका थिए । तर सहमति नजुटेपछि भोलिसम्मका लागि बैठक स्थगित गरिएको सभामुखको सचिवालयले जनाएको छ ।
आजको बैठकमा प्रमाणीकरण भएको नागरिकतासम्बन्धी विधेयकका विरुद्ध सांसदहरुले आवाज उठाएका थिए । एमालेसहितका दलहरुले नागरिकता विधेयकलाई फिर्ता गरेर नयाँ संशोधन प्रस्ताव ल्याउन आग्रह गरेका छन् ।
अर्को बैठक भोलि बिहान ११ बजे बस्नेछ ।
यो खबर पढेर तपाईलाई कस्तो महसुस भयो ?
प्रतिक्रिया