असारदेखि नयाँ बसपार्कबाट बस नछुटाए कारबाही गर्ने महानगरको धम्की !

काठमाडौं । असार १ गतेदेखि काठमाडौं भित्रिने र बाहिरिने लामो दूरीका सवारी साधन नयाँ बसपार्कबाट सञ्चालन नगरे काठमाडौं महानगरपालिकाले कारवाही गर्ने चेतावनी दिएको छ । महानगरले शुक्रबार एक सूचना जारी गर्दै लामो दूरीका सवारी साधनले बसपार्कबाटै आवतजावत नगरे कारवाही गर्ने चेतावनी दिएको हो ।

महानगरले असार १ गतेदेखि नयाँ बसपार्कभन्दा बाहिर रहेका सबै टिकट काउन्टर हटाउनसमेत निर्देशन दिएको छ । बसपार्कबाट मात्र यात्रुबाहक सवारी साधन सञ्चालन नगरे ट्राफिक प्रहरीसँग समन्वय गरेर कारबाही गर्ने जारी सूचनामा उल्लेख छ ।

यसैगरी, बनेपा, धुलिखेल, साँखु सम्मको सडक इजाजत पत्र लिएका लामो दूरीका सवारी साधनहरूको हकमा कलङ्कीदेखि जडीबुटीसम्म सवारी रोक्नका लागि पनि निषेध गरेको छ ।