पत्नीको स्वास्थ्य लाभको कामना गर्दै प्रधानमन्त्री प्रचण्डले गरे महाकाल बाबाको मन्दिरमा विशेष पूजा

काठमाडौं । प्रधानमन्त्री पुष्पकमल दाहाल ‘प्रचण्ड’ ले पत्नी सीता दाहालको स्वास्थ्य लाभको कामनासहित उज्जैनस्थित महाकाल बाबाको मन्दिरमा विशेष पूजा गरेका छन् ।

भारत भ्रमणमा रहेका प्रधानमन्त्री शुक्रबार मध्य प्रदेश पुगेका थिए । पूजा समारोहमा मध्य प्रदेशका राज्यपाल मंगुभाई पटेल पनि उपस्थित थिए ।

महाकालेश्वर दर्शनका क्रममा प्रधानमन्त्री प्रचण्डले नेपालबाटै लगेको १०० रुद्राक्ष र नगद ५१ हजार रुपैयाँ चढाएको बताइएको छ ।