१२ मङ्सिर २०७९, सोमवार

सी माओपछिकै शक्तिशाली नेता

२०७४,कार्तिक,८,बुधबार ०१:४९

0
Shares

काठमाडौं, ८ कात्तिक- चिनियाँ राष्ट्रपति सी जिनपिङ चिनियाँ कम्युनिस्ट पार्टीका संस्थापक माओ त्से तुङपछिकै शक्तिशाली नेताका रूपमा स्थापित भएका छन् । विश्वको दोस्रो ठूलो अर्थ व्यवस्था भएको मुलुक चीनलाई शासन गरिरहेको चिनियाँ कम्युनिस्ट पार्टीको १९औं महाधिवेशनले विधानमा आधिकारिक रूपमा ‘सी जिनपिङ विचारधारा’ समावेश गर्दै सीलाई शक्तिशाली स्थान दिएको हो ।यो सँगै चिनियाँ राष्ट्रपति सी चिनियाँ कम्युनिस्ट पार्टीमा माओ त्से तुङ र देङ सीआओ पिङपछि सबैभन्दा शक्तिशाली नेताको रूपमा उभिएका छन् । चिनियाँ सरकारी समाचार एजेन्सी सिन्ह्वाले महाधिवेशन नयाँ युगको नयाँ अध्यायको सुरुवात गर्दै सम्पन्न भएको जनाएको छ ।महाधिवेशनले पार्टीका महासचिव तथा चिनियाँ राष्ट्रपति सीले महाधिवेशनमा प्रस्तुत गरेको ‘नयाँ युगका लागि चिनियाँ विशेषतासहितको समाजवादबारे सी जिनपिङ विचारधारा’लाई पार्टीको निर्देशक सिद्धान्तको रूपमा पार्टीको विधानमा उल्लेख गर्ने निर्णयलाई पारित गरेको हो ।महाधिवेशनले सीको सैन्य विचार र सैन्य शक्तिमाथि पार्टी नेतृत्वलाई समेत थप मजबुत बनाउने निर्णय गरेको छ । त्यस्तै उसले राष्ट्रपति सीले सन् २०१३ मा अगाडि सारेको बेल्ट एन्ड रोड इनिसिएटिभ (बीआरआई) लाई समेत विधानको अंग बनाएको छ । सन् १९२१ मा स्थापना भएको चिनियाँ कम्युनिस्ट पार्टी २८ वर्षपछि सत्तामा आएको थियो । योसँगै आफ्नो महाधिवेशनमा विधानलाई संशोधन गर्दै समयसापेक्ष बनाउँदै अगाडि बढेको छ, राजधानी दैनिकमा खबर छ ।

प्रकाशित मिति: २०७४,कार्तिक,८,बुधबार ०१:४९

प्रतिक्रिया दिनुहोस !
सम्बन्धित खबरहरु

काठमाडाैँ । अमेरिकी फोटोग्राफर कितिया पावलोव्स्कीले नेपालको सगरमाथा क्षेत्रमा खिचेको भनिएको हिउँ चितुवाको तस्वीर नक्कली भएको दाबी गरिएको छ ।

रुपन्देही । गुल्मीको सत्यवती गाउँपालिका–३ कुढडाँडामा जीप दुर्घटना हुँदा ५ जनाको मृत्यु भएको छ भने ४ जना घाइते भएका छन्

काठमाडौं । दिवङ्गत पितृको सद्गतिको कामना गर्दै पशुपति क्षेत्रमा महादीपदान गर्न बिहानैदेखि भक्तजनको चहलपहल बढ्न थालेको छ । प्रत्येक वर्ष

बैतडी । बैतडीमा प्रहरी सवार जिप दुर्घटनामा परेको छ । दशरथचन्द राजमार्गअन्तर्गत पाटन नगरपालिका–४ निङलाडी खोला भन्ने स्थानमा से१ज ८५४

ताजा समाचार

धनुषा–४ मा अग्रता बढाउँदै एमाले
 २०७९,मङ्सिर,११,आईतवार २३:४०
विश्वकप फुटबल : मोरक्को विजयी
 २०७९,मङ्सिर,११,आईतवार २१:३१
इलाम–१ (१) मा लिम्बु र (२) मा राई निर्वाचित
 २०७९,मङ्सिर,११,आईतवार २०:४२