सिडेनको अध्यक्षमा इन्जिनियर लक्ष्मण केसी प्यानलसहित विजयी, कसको कति मत ?

काठमाडौं । नेपाली कांग्रेसको सुभेच्छुक संस्था सेन्टर फर डेमोक्रेटिक इन्जिनियर नेपाल (सिडेन) को अध्यक्षमा इन्जिनियर लक्ष्मण केसी निर्वाचित भएका छन् ।

आइतबार साँझ केसी सम्पूर्रण पदाधिकारी र बहुमत सदस्यसहित निर्वाचित भएका हुन् ।

शनिबार काठमाडौंमा सम्पन्न निर्वाचनमा केसीले १ हजार ६ सय १९ मत प्राप्त गरेका छन् । त्यस्तै उनका निकटतम प्रतिद्धन्दी चेतनाथ पाण्डेले १ हजार ६२ र अर्का प्रतिष्पर्धी प्रमोद दवाडीले १८५ मत प्राप्त गरेका छन् ।

यता केसी प्यानलकै उमेश धितालले जित हासिल गरेका छन् । उनले १ हजार ५ सय ८९ मत प्राप्त गरेका छन् । भने महासचिवमा पनि उनकै प्यालनकै इन्जिनियर थमन बहादुर खड्काले १ हजार ३ सय ९ मतसहित जित हासिल गरेका छन् । त्यस्तै केसी प्यानलकै इन्जिनियर सुशील लामिछानेले १ हजार २ सय ६३ मतसहित जित हासिल गरेका छन् । त्यसैगरी कोषाध्यक्षमा पनि केसी प्यानलकै नवराज बस्नेतले जित हासिल गरेका छन् । उनले १ हजार ३ सय ४९ मत प्राप्त गरेका छन् ।

त्यस्तै सदस्यतर्फ पनि उनकै प्यानलको बहुमत रहेको छ ।

नवनिर्वाचित केसी नेपाली कांग्रेसका केन्द्रीय सदस्य प्रदीप पौडेल निकट मानिन्छन् । ७औँ कार्यसमितिको लागि निर्वाचित केसीको कार्यकाल दुई वर्ष हुनेछ ।