काठमाडौं । कृषि प्रधान देश नेपालमा कुल ग्राहस्थ्य उत्पादनमा कृषि क्षेत्रको योगदान घट्दै गएको पाइएको छ ।
सरकारले आइतबार सार्वजनिक गरेको आर्थिक वर्ष २०७९/८० को आर्थिक सर्वेक्षणले सो तथ्यांक देखाएको हो ।
अर्थमन्त्री डा. प्रकाशशरण महतले सार्वजनिक गरेको तथ्यांक अनुसार नेपालको अर्थतन्त्रको संरचना परिवर्तन हुँदै गएको अवस्थामा जीडिपीमा कृषि क्षेत्रको योगदान घट्दै गएको र गैरकृषि क्षेत्रको योगदान बढ्दै गएको देखाइएको छ ।
‘नेपालको अर्थतन्त्रको संरचना परिवर्तन हुँदै गइरहेको छ । कुल ग्रार्हस्थ्य उत्पादनमा कृषि क्षेत्रको योगदान घट्दै गएको छ भने गैर कृषि क्षेत्रको योगदान बढ्दै गएको छ । आर्थिक वर्ष २०७९/०८० मा कुल ग्रार्हस्थ्य उत्पादनमा कृषि क्षेत्रको योगदान २४.१ प्रतिशत र गैर कृषि क्षेत्रको योगदान ७५.९ प्रतिशत रहेको अनुमान छ । गत आर्थिक वर्षमा यस्तो योगदान २४.७ प्रतिशत र ७५.९ प्रतिशत रहेको थियो । विगत दशक वर्षमा कृषि क्षेत्रको योगदान २६.५ प्रतिशत रहेको छ ।’ जारी सर्वेक्षण भनिएको छ ।
