काठमाडौं । टिकापुर हत्या काण्डका दोषी पूर्व सांसद रेशम चौधरीलाई आम माफी दिने तयारीबारे सर्वोच्चमा रिट परेको छ ।
आइतबार दिउँसो टिकापुर हत्या काण्डकी पीडित इन्स्पेक्टर स्वर्गीय केशव बोहराकी पत्नी शारदा बोहरा लगायत रिट दर्ताका लागि सर्वोच्च पुगेका थिए । तर सर्वोच्च प्रशासनले अध्ययनकै लागि राखेको छ ।
यसअघि बोहराले चौधरीलाई आम माफी दिन नहुने भन्दै राष्ट्रपति रामचन्द्र पौडेलसमक्ष निवेदन दिएकी थिइन् । गृह मन्त्रालयले उनलाई आम माफी दिने सम्बन्धी पठाएको प्रस्ताव राष्ट्रपति कार्यालयले फिर्ता पठाएको थियो ।
आज बसेको मन्त्रिपरिषद् बैठकले चौधरीलाई आम माफी दिन राष्ट्रपति समक्ष सिफारिस गरेको छ ।
२०७२ साल भदौ ५ गते कैलालीको टिकापुरमा धरुहट आन्दोलनको क्रममा ७ सुरक्षाकर्मीसहित १ बालकको निधन भएको थियो । जेठ २ गते सर्वोच्च अदालतले उनलाई आजिवन काराबासको सजाय सुनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया