४ बजे बोलाइएको प्रतिनिधिसभाको बैठक ५ बज्दा पनि शुरु भएन

काठमाडौं । प्रतिनिधिसभाको बैठक निर्धारित समयमा शुरु भएको छैन । बैठक शनिबार दिउँसो ४ बजे बोलाइएको भएपनि समयमै शुरु हुन नसकेको हो ।

सत्तापक्षका सांसदले केपी शर्मा ओलीमाथि पशुपतिनाथको जलहरीमा सुन भनेर पित्तल हालेको आरोप लगाइएपछि शुक्रबार संसद अवरुद्ध भएको थियो ।

शनिबार कांग्रेस, एमाले र माओवादी केन्द्रका शीर्ष नेताहरुको बैठकमा शुक्रबार बोलेकोकुरा संसदीय रेकर्डबाट हटाउने सहमति भएको थियो । तर अहिले सम्म पनि संसद शुरु हुन सकेको छैन ।