फिफा र एएफसीको प्रतिनिधिमण्डलद्वारा एन्फा पदाधिकारीसँग भेट

काठमाडौं । फिफा र एएफसीको प्रतिनिधिमण्डलले अखिल नेपाल फुटबल संघ (एन्फा) को पदाधिकारीसँग भेट गरेका छन् । एन्फाको कार्यसमिति सदस्य र प्रशासनसहित विभिन्न निकायका प्रतिनिधिसँग भेटवार्ता गरेको एन्फाले जनाएको छ ।

फिफाको सिनियर मेम्बर एसोसियसन गभर्नेन्स सर्भिस म्यानेजर अहमद हराज, फिफा क्षेत्रीय कार्यालय दक्षिण एसियाका प्रमुख प्रिन्स रुफस, एएफसी दक्षिण एसिया युनिटको सिनियर म्यानेजर सोनम जिग्मी र एएफसी दक्षिण एसिया युनिटका म्यानेजर दिनिश डी सिल्भा दुई दिने नेपाल भ्रमणमा आएका थिए ।

फिफाको ७३ औं महाधिवेशनमा एन्फालाई आन्तरिक सुशासन प्रक्रियामा सुधार गर्न सहयोग पुर्‍याउने उद्देश्यले एन्फा अध्यक्ष पंकजविक्रम नेम्वाङ र महासचिव किरण राईको अनुरोधमा भ्रमणको आयोजना गरिएको एन्फाले जनाएको छ।