एमालेको अवरोधपछि २० मिनेटका लागि संसद बैठक स्थगित

लोकपथ
91
Shares

काठमाडौं । प्रमुख प्रतिपक्षी दल नेकपा एमालेको अवरोधपछि प्रतिनिधि सभाको बैठक स्थगित भएको छ ।

आज बसेको प्रतिनिधि सभा बैठकमा एमालेले अध्यक्ष समेत रहेका तत्कालिन प्रधानमन्त्री केपी शर्मा ओली माथि भ्रष्टाचारको आरोप लगाइएको भन्दै आपत्ति जनाएको छ ।

गत १० जेठमा बसेको बैठकमा माओवादी सांसद लेखनाथ दाहालले ओलीले पशुपतिमा जलहरी लगाउने क्रममा नक्कली जलहरी लगाएर भ्रष्टाचार गरेको आरोप लगाएका थिए ।

बैठकको शुरुमा एमाले प्रमुख सचेतक पदम गिरीले सत्तापक्षले नै प्रमुख प्रतिपक्षीमाथि आरोप लगाइएको भन्दै त्यसको छानबिन गर्न माग गरे । साथै पशुपतिको जलहरी सुन वा चाँदी के हो चेकजाँज गर्न समेत माग गरेका छन् ।

समामुखले पटकपटक आशनग्रहण गरेर कारबाहीलाई अघि बढाउन आग्रह गर्दा पनि नमानेपछि २० मिनेटका लागि बैठक स्थगित गरिएको हो ।

यो खबर पढेर तपाईलाई कस्तो महसुस भयो ?