घट्यो सुनचाँदीको मूल्य, कतिमा हुँदैछ कारोबार ?

काठमाडौं । नेपाली बजारमा शुक्रबार सुनचाँदीको मूल्यमा सामान्य गिरावट आएको छ ।

बिहीबार प्रतितोला छापावाला सुनको मूल्य १ लाख ८ हजार ८ सय रहेको थियो । आज प्रतितोला सुनको मूल्य ५ सयले गिरावट आइ १ लाख ८ हजार ३ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै तेजावी सुनको मूल्य १ लाख ७ हजार ८ सय रहेको छ ।

यता चाँदीको मूल्य तोलामा ५ रुपैयाँ घटेको छ । बिहीबार चाँदीको मूल्य १ हजार ३ सय ५० रहेकोमा आज १ हजार ३ सय ४५ कायम भइ कारोबार भइरहेको छ ।