काठमाडौं । शाहरुख खान र सलमान खान यतिबेला आफ्ना फिल्मका कारण चर्चामा रहेका छन् ।
शाहरुख खानको फिल्म पठान जनवरीमा रिलिज भएको थियो, जसले बक्स अफिसमा धमाका मचाएको थियो। केही दिनअघि मात्रै सलमान खानको फिल्म ‘किसी का भाई किसकी जान’ रिलिज भएको थियो ।
अहिले यी दुवै स्टार आफ्नो आगामी फिल्म पठान भर्सेस टाइगरलाई लिएर चर्चामा छन् । यो फिल्ममा फेरी पनि दुबैको एक्सन अवतार देखिने छ ।
फिल्म पठान भर्सेस टाइगरको सुटिङ जनवरी २४ बाट शुरु हुने भारतीय सञ्चार माध्यमहरुले जनाएका छन् ।
यसअघि कट्रिना सलमानसँग टाइगर फ्रेन्चाइजमा देखा परेकी थिइन् भने दीपिका पछिल्लो पटक शाहरुख खानसँग पठानमा देखिएकी थिइन् । यो चलचित्रमा दुवै नायिकाले पुरानो भूमिकालाई दोहोर्याउनेछन् ।
पठान भर्सेस टाइगरको रिलिज मिति भने खुलाइएको छैन तर यो फिल्मलाई लिएर अहिले चर्चा छ ।
यो खबर पढेर तपाईलाई कस्तो महसुस भयो ?
प्रतिक्रिया