आईपीएल २०२३ को एलिमिनेसनमा मुम्बई इन्डियन्सले लखनउ सुपरजायन्ट्सलाई ८१ रनले पराजित गर्यो । यसअघि मुम्बईको टोली लखनउसँग तीन खेलमा पराजित भएको थियो । तर, यस नकआउट भिडन्तमा रोहितको कप्तानीमा मैदान उत्रेको टोलीले कुनै गल्ती गरेनन् र जित आफ्नो पोल्टोमा पारे ।
मुम्बईको जितमा सबैभन्दा महत्त्वपूर्ण योगदान युवा फास्ट बलर आकाश मधवालको थियो । उनले ३.३ ओभरमा पाँच रन दिएर महत्वपूर्ण पाँच विकेट लिएका थिए । यस सिजन आईपीएलमा डेब्यू गरेका आकाशले एलिमिनेसन जस्तो महत्वपूर्ण खेलमा प्रेराक मङ्कड, आयुष बडोनी, निकोलस पूरन, रवि बिश्नोई र मोहसिन खानको विकेट लिएर आफूनो कला प्रस्तुत गरेका छन् ।
आकाश १४० प्रतीघण्टाको स्पीडमा योर्कर बल फाल्नमा माहिर :
आकाशले यो सिजनमा आफ्नो शैली र घातक योर्करले धेरैलाई प्रभावित पारेका छन् । उनले यो सिजन सात खेलमा ७.७७ को इकोनोमी र ९.९२ को स्ट्राइक रेटमा १३ विकेट लिएका छन्।
आकाश १४०ं को स्थिर गतिमा योर्कर फाल्न माहिर छन्। बुधबारको एलिमिनेसनमा उनले लखनउका ब्याट्सम्यानलाई यस्तै समस्यामा पारे। लखनउविरुद्धको खेलपछि मुम्बईका कप्तान रोहित शर्माले पनि आकाशको धेरै तारिफ गरेका थिए ।
आकाशको तारिफ गर्दै रोहित शर्माले भनेका छन्- ‘आकाश गत वर्ष सहायक बलरको रुपमा टिममा थिए । यो सिजन जोफ्रा आर्चर टोलीबाट बाहिर हुँदा, आकाश टोलीमा सामेल भएका थिए । उनीसँग टिमलाई योगदान गर्ने क्षमता छ। वर्षौंदेखि हामीले धेरै मानिसहरू मुम्बई इन्डियन्सबाट आएका र भारतका लागि खेलिरहेका देख्यौं। हामीले युवा खेलाडीहरूलाई विशेष र टोलीको हिस्सा बनाउनुपर्छ ।’
उत्तराखण्ड टोलीबाट आईपीएल खेल्ने पहिलो खेलाडी :
रोहितले भनेझैं आकाशलाई गत वर्ष मुम्बईले आफ्नो टोलीमा समावेश गरेको थियो। सूर्यकुमार यादव घाइते भएपछि उनी टोलीमा थपिएका हुन् । तर, गत सिजन उनले कुनै पनि खेल खेल्ने मौका पाएनन् । तर यस सिजनमा जसप्रित बुमराह र त्यसपछि जोफ्रा आर्चरले चोट बोकेपछि आकाशले खेल्ने मौका पाए । आकाश उत्तराखण्डका हुन् र उत्तराखण्ड टोलीसँग घरेलु क्रिकेट खेल्छन्। उनी आईपीएल खेल्ने उत्तराखण्ड टोलीका पहिलो खेलाडी हुन्।
आकाशको जन्म २५ नोभेम्बर १९९३ मा भएको थियो । उनले सन् २०१३ मा भारतीय सेनामा रहेका आफ्ना बुबालाई गुमाएका थिए । आकाशलाई बाल्यकालदेखि नै क्रिकेट खेल्न मन लाग्थ्यो । तर क्रिकेटको सपनालाई छोडेर उनी इन्जिनियरिङ गर्न थाले । इन्जिनियरिङका क्रममा आकाश टेनिस बल खेल्थे । इन्जिनियरिङ पछि, आकाशले क्रिकेटमा करियर बनाउने निर्णय गरे। २४ वर्षको उमेरसम्म आकाश टेनिस बल मात्र खेल्थे ।
२०१९ मा उनी उत्तराखण्डमा ट्रायलका लागि गएका थिए । त्यसपछि उनले उत्तराखण्डका तत्कालीन प्रशिक्षक तथा पूर्व भारतीय ओपनर वसीम जाफरको ध्यान खिचे । यसपछि वर्तमान प्रशिक्षक मनिष झा पनि उनीबाट निकै प्रभावित थिए । मनिषले उसलाई टोलीमा समावेश गरे ।
ऋषभ पन्तसँग आकाशको विशेष सम्बन्ध
धेरै कमलाई थाहा होला कि आकाशको भारतका स्टार विकेटकिपर ब्याट्सम्यान ऋषभ पन्तसँग विशेष सम्बन्ध छ। आकाश पन्तको छिमेकी हुन् । पन्त जस्तै आकाशलाई पनि अवतार सिंहले तालिम लिएका छन् । एक पत्रिकालाई दिएको अन्तर्वार्तामा अवतारले आकाशको घर पन्तको घर अगाडि रहेको बताए । आकाशले उत्तराखण्डका लागि १० प्रथम श्रेणी खेलमा १२ विकेट र १७ लिस्ट ए खेलमा १८ विकेट लिएका छन् । घरेलु टी–२० र आईपीएल सहित आकाशले आफ्नो टी–२० करियरमा २९ खेलमा ३७ विकेट लिएका छन् ।
क्वालिफायर-२ मा आकाशबाट मुम्बईको ठूलो आशा
आकाशले अब क्वालिफायर-२ मा मुम्बईलाई गुजरात टाइटन्समाथि जित दिलाउन प्रयास गर्नेछ। गत हप्ता मात्र उनले गुजरातविरुद्धको लिग राउण्ड खेलमा ऋद्धिमान साहा, शुभमन गिल र डेभिड मिलरको विकेट लिएका थिए । आकाशलाई डेथ ओभर स्पेशलिस्ट पनि भनिन्छ । सनराइजर्स हैदरावादविरुद्धको डेथ ओभरमा उनले उत्कृष्ट बलिङ गरेका थिए । आकाशले विभ्रान्त र मयंक अग्रवाललाई आउट गर्नुका साथै इन्फर्म हेनरिक क्लासेन र ह्यारी ब्रुकको विकेट लिएका थिए ।
यो खबर पढेर तपाईलाई कस्तो महसुस भयो ?
प्रतिक्रिया