काठमाडौं । रियल मड्रिडले जित हात पारेको छ । स्पेनिस ला लिगा फुटबल अन्तर्गतको बुधबार राति भएको खेलमा रियलले रायो भालेकानोलाई २-१ गोल अन्तरले हराएको हो ।
खेलको ३१ औं मिनेटमा करिम बेन्जिमाले गोल गर्दै रियललाई अग्रता दिलाएका थिए । खेलको ८४ औं मिनेटमा राउल डी टोमसले गोल गर्दै भालेकानोलाई १-१ गोलको बराबरीमा ल्याए । त्यसपछि खेलको ८९ औं मिनेटमा रोड्रिगोले गोल गर्दै रियललाई २-१ को जित दिलाए ।
जितसँगै रियलले ३६ खेलमा ७४ अंक जोडेको छ । रियल दोस्रो स्थानमा रहेको छ । भालेकानो ४६ अंक जोडेर ११ औं स्थानमा रहेको छ ।
