डा. सन्दुक रुइतको जीवनी पाठ्यक्रमबाट हटाइएको प्रति रघुजी पन्तले जनाए आपत्ति

काठमाडौं । नेकपा एमालेका नेता रघुजी पन्तले पाठ्यक्रमबाट डा. सन्दुक रुइतको जीवनी हटाइएकोमा आपत्ति जनाएका छन् ।

मंगलबार बसेको प्रतिनिधिसभा बैठकमा बोल्दै सांसद पन्तले कक्षा १० को नेपाली पाठ्यक्रमबाट डा. रुइतको जीवनी हटाइएकोमा आपत्ति जनाएका हुन् ।

‘कक्षा १० को नेपाली पाठ्यक्रममा डा. सन्दुक रुइतको बारेमा लेखिएको आठ पृष्ठ जीवनी पढाइ हुन्छ । त्यो पाठ्यपुस्तकबाट हटाइयो र त्यसलाई भाँचेर कता कता ६, ८ को साइन्समा केमा केमा राखियो । डा. सन्दुक रुइतको जीवनी, उहाँको कारण हाम्रो देशको इज्जत बढेको छ । त्यो जीवन पढाउन आवश्यक भएर राखिएको थियो । किन त्यो जीवनी हटाइयो, यसबारे शिक्षामन्त्रीले स्पष्ट जवाफ दिन आग्रह गर्छु,’ उनले भनेका छन् ।