काठमाडौं । आज मे २१ अर्थात अन्तर्राष्ट्रिय चिया दिवस । चिया संसारभर विभिन्न तरिकाले बनाइने गरिन्छ । नेपालमा चियाको ठूलो महत्व छ । तपाइको घरमा पाहुना आउदा होस् वा तपाई कसैको घरमा जादा, पाहुनालाई सबै भन्दा पहिले खुवाइने भनेको चिया नै हो ।
धेरैजसो मानिसहरू दूध, चिनी, अदुवा र चिया पातको मद्दतले मात्र चिया बनाउँछन् । तर, अन्य धेरै चीजहरू छन् जसको सहयोगले तपाइले मिठो चिया बनाउनसक्नुहुन्छ ।
अन्तर्राष्ट्रिय चिया दिवसको अवसरमा हामी तपाईलाई मिठो चिया कसरी बनाउने भन्ने विषयमा बताउन गइरहेका छौं।
यदि तपाईं चियालाई फरक स्वाद दिन चाहनुहुन्छ भने तपाईंले केही कुराहरु प्रयोग गरेर चियालाई आफ्नो फ्लेभरमा बनाउन सक्नुहुन्छ । यद्यपि कतिपयलाई नरमल चिया मनपर्छ, तर धेरैलाई मसलासहितको चिया मनपर्ने हुन्छ । तपाईले चियामा धेरै चीजहरू थपेर यसको स्वाद बढाउन सक्नुहुन्छ।
कालो नुन :
चियाको स्वाद बढाउन र घाँटी दुख्ने समस्या निको पार्न कालो नुन प्रयोग गर्नु राम्रो हुन्छ । कालो नुन ब्ल्याक टि बनाउदा मात्रै प्रयोग गर्नुहोस् ।
मरिच :
यदी तपाइलाई घाँटी दुख्ने समस्या छ भने मरिच मिसाएर चिया बनाउनुहोस् । यसले चियाको स्वाद बढाउनुका साथै घाँटीको लागि पनि राम्रो हुन्छ ।
सख्खर :
यदि तपाईले चियामा चिनीको सख्खर गुड़ प्रयोग गर्नुहुन्छ भने, यो तपाईको शरीरको लागि पनि धेरै फाइदाजनक हुन्छ । सख्खर प्रयोग गरेर बनाइएको चियाको स्वाद फरक हुने गर्दछ ।
अलैंची :
तपाई चियाको स्वाद बढाउन अलैंचीको प्रयोग गर्नुहोस् । नियमित रूपमा चियामा अलैंची प्रयोग गर्न सक्नुहुन्छ। अलैंचीको प्रयोगले चियामा निकै मिठो स्वाद आउने गर्छ ।
पुदिना :
चियामा पुदिना मिसाउँदा निकै मिठो स्वाद आउने गर्दछ । चियामा केही पुदिनाको पात मिसाएर चिया बनाउने गर्नुहोस् । पुदिनाको पातले चियाको स्वाद धेरै गुणा बढाउन सक्छ।
ल्वाङ :
चियामा ल्वाङ मिसाएर पिउनुहोस् । ल्वाङको प्रयोगले तपाईको चियाको स्वाद धेरै गुणा बढाउँछ। साथै चिसोले समस्यामा परेका मानिसहरुको लागि पनि यो निकै उपयोगी हुने गरेको छ ।
दालचीनी :
चिया बनाउँदा सिमित मात्रामा दालचीनी राख्नुभयो भने त्यसबाट धेरै फाइदा हुन्छ । चिया बनाउँदा यसको मात्रामा भने ध्यान दिनुहोस्। दालचीनीले मिठो स्वाद दिने भएपनि एकै पटक धेरै प्रयोग गरेमा यसले ज्यानमा गर्मी गराउछ । त्यसैले दालचीनीको प्रयोग गर्दा मात्रामा भने ध्यान दिनुहोला ।
यो खबर पढेर तपाईलाई कस्तो महसुस भयो ?
प्रतिक्रिया