काठमाडौं । बागमती प्रदेश सरकारको मन्त्रिपरिषद विस्तार हुने भएको छ । सत्तारुढ गठबन्धनबीच भागबण्डा मिलाउन नसक्दा मन्त्रिपरिषद विस्तार हुन सकेको थिएन । तर अब सत्तारुढ गठबन्धनबीच मन्त्रालय फुटाएर भागबण्डा टुङ्ग्याउने सहमति भएको छ ।
भागबण्डा मिलेसँगै आजै मन्त्रिपरिषदलाई पूर्णता दिने तयारी थालिएको छ । हाल कायम रहेको ११ मन्त्रालयलाई फुटाएर १२ मन्त्रालय बनाउने सहमति भएसँगै नेपाली कांग्रेसले ६ वटा, माओवादी केन्द्रबाट मुख्यमन्त्रीसहित चार मन्त्री, नेकपा एकीकृत समाजवादीले दुई मन्त्रालय पाउने भएको छ ।
बागमती प्रदेश सरकारमा हाल माओवादी केन्द्रका मुख्यमन्त्रीसहित चार मन्त्री सरकारमा छन् । यस्तै कांग्रेसबाट दुई जना सहभागी भइसकेका छन् ।
