काठमाडौं । राष्ट्रिय स्वतन्त्र पार्टीका सभापति एवं नवनिर्वाचित प्रतिनिधि सभा सदस्य रवि लामिछानेले सरकारलाई दिएको समर्थन फिर्ता लिने संकेत गरेका छन् ।
शुक्रबार पद तथा गोपनियताको शपथग्रहणपछि सञ्चारकर्मीहरुसँग बोल्दै लामिछानेले सरकारमा जाने भन्दै पनि समर्थन फिर्ता लिने सम्भावना बढी रहेको बताए ।
‘सरकारमा जाने भन्दै समर्थन फिर्ता लिने सम्भावना बढि रहेको छ ।’ उनले भने ।
त्यसो त यस अघि चितवनको चुनावी सभामा बोल्दै सरकारलाई समर्थन गरिरहनुको कुनै औचित्य नभएका थिए । त्यसपछि प्रधानमन्त्री पुष्पकमल दाहाल प्रचण्डले फोन गरेर सहयोग गर्न आग्रह गरेको बाहिर चर्चा चलेको थियो । सो बारेमा जवाफ दिँदै लामिछानेले आफूलाई प्रधानमन्त्रीले बधाई दिनका लागि फोन गरेको तर कुनै अन्य विषयमा कुराकानी नभएको स्पष्ट पारे ।
‘प्रधानमन्त्रीले बधाई दिन फोन गर्नुभएको हो । अन्य विषयमा कुराकानी भएन ।’ लामिछानेले भने ।
त्यस्तै आफूहरु यथास्थितीमा सरकारमा जाने सम्भावना नरहेको समेत बताएका छन् ।
यो खबर पढेर तपाईलाई कस्तो महसुस भयो ?
प्रतिक्रिया