नेपाली कामदार बोकेको बस मलेसियामा दुर्घटना, ८ को मृत्यु

मलेसियाको पेनाङमा भएको सवारी दुर्घटनामा ८ विदेशी कामदारको मृत्यु भएको छ । मृत्यु हुनेमा नेपाली समेत रहेको आशंका गरिएको छ ।सोनी कम्पनीको कारखानामा कार्यरत नेपाली र इन्डोनेसियन कामदार बोकेको बस अर्को बससँग जुध्दा दुर्घटना हुन पुगेको मलेसियन सञ्चारमाध्यमहरुले जनाएका छन् ।मंगलबार बिहान भएको दुर्घटनामा अरु ३३ कामदार घाइते भएको पनि बताइएको छ । जसमध्ये २३ को अवस्था गम्भीर रहेको छ ।मृत्यु भएकामध्ये सबै महिला भएको बताइएपनि पहिचान खुल्न बाँकी रहेको छ ।

यो खबर पढेर तपाईलाई कस्तो महसुस भयो ?