‘राजनीतिक कोर्ष परिवर्तनमा हाम्रो भूमिका महत्वपूर्ण’

झापा । नेकपा (एकीकृत समाजवादी) का अध्यक्ष माधवकुमार नेपालले नेपाली राजनीतिक आन्दोलनमा निर्णायक भूमिका आफूहरूले खेलेको बताएका छन्।

शुक्रबार नेकपा एकीकृत समाजवादी झापाले आयोजना गरेको २ दिने अगुवा कार्यकर्ता प्रशिक्षण कार्यक्रममा बोल्दै अध्यक्ष नेपालले नेपाली राजनीतिको कोर्ष परिवर्तनमा आफूहरूको भूमिका उल्लेख्य रहेको बताए ।

उनले संविधान र प्राप्त उपलव्धिको रक्षाको लागि पनि आफूहरूले निर्णायक भूमिका खेलेको बताए।

प्रशिक्षण कार्यक्रममा अध्यक्ष नेपाल र उपमहासचिव तथा प्रचार विभाग प्रमुख जगन्नाथ खतिवडाले आज र भोलि पार्टीका सम्मानित नेता झलनाथ खनाल महासचिव घनश्याम भुसाल केन्द्रिय सदस्य तथा स्कुल विभाग सचिव अशेष घिमिरे लगायत नेताहरूले प्रशिक्षण दिने कार्यक्रम तय भएको छ ।