काठमाडौं । नेपाली कांग्रेसले १० वैशाखमा हुने उपनिर्वाचनका लागि सबै क्षेत्रको उम्मेदवार टुंगो लगाएको छ ।
आज बसेको केन्द्रीय कार्यसम्पादन समितिको बैठकमा तनहुँ क्षेत्र नं १ मा पार्टी केन्द्रीय सदस्य गोविन्द्र भट्टराईलाई उम्मेदवार बनाएको छ ।
यसअघि नै सभापति देउवाले भट्टराईलाई तयारीमा लाग्न आग्रह गरेका थिए । आज बसेको बैठकमा भट्टराईलाई उम्मेदवार बनाउने निर्णय भएको पार्टी प्रवक्ता डा. प्रकाशशरण महतले जानकारी दिए ।
त्यस्तै आजको बैठकले चितवन क्षेत्र नं २ मा पूर्व जिल्ला सभापति जितनारायण श्रृेष्ठलाई उम्मेदवार बनाउने निर्णय गरेको छ ।
त्यस्तै बारा क्षेत्र नं २ मा हुने निर्वाचनका लागि जसपाको उम्मेदवारलाई सघाउने तयारी गरेको छ । जसपाले पार्टी अध्यक्ष उपेन्द्र यादवलाई उम्मेदवार बनाउने तयारी गरेको छ ।
बाराको निर्वाचनको विषयमा भने चैत १९ गते मात्रै निर्णय गर्ने उनले बताए
आजको बैठकमा अन्य समसामयीक विषयमा छलफल भएको उनले बताए ।म
तनहुँ १ बाट निर्वाचित रामचन्द्र पौडेल राष्ट्रपति बनेसँगै सो क्षेत्रमा उपनिर्वाचन हुन लागेको हो । त्यस्तै गत निर्वाचनमा बारा क्षेत्र नं २ बाट रामसहायप्रसाद प्रसाद यादव उपराष्ट्रपति बनेसँगै उपनिर्वाचन हुन लागेको हो । भने यता चितवन क्षेत्र नं २ मा राष्ट्रिय स्वतन्त्र पार्टीबाट निर्वाचित रवि लामिछाने नागरिकता प्रकरणमा मुछिएसँगै सो क्षेत्र खाली भएको थियो ।
