चितवन । प्रधानमन्त्री पुष्पकमल दाहाल प्रचण्डले आजै मन्त्रिपरिषद् विस्तार र मन्त्रीहरुलाई शपथ खुवाउने तयारी रहेको बताएका छन् ।
भरतपुर विमानस्थलको नयाँ टर्मिनल भवन शिलान्यासका लागि चितवन पुगेका उनले सो कुरा बताएका हुन् ।
शिलान्यासपछि कार्यक्रमलाई सम्बोधन गर्दै प्रधानमन्त्री प्रचण्डले आजै आफू काठमाडौं फर्किएपछि मन्त्रिपरिषद् विस्तार हुने र आज नभ्याए भोलि शपथ खुवाउने तयारी रहेको स्पष्ट पारे ।
कार्यक्रमलाई सम्बोधन गर्दै प्रधानमन्त्री प्रचण्डले भने, ‘म यहाँबाट फर्किएलगत्तै बाँकी कुरा टुंग्याएर मन्त्रिपरिषद् विस्तार हुन्छ । आजै शपथ गराउने तयारी छ। आज नभ्याए भोलि हुन्छ ।’
सरकारले पूर्णता पाएसँगै राजनीतिक स्थायित्व र देशको आर्थिक विकासमा केन्द्रित भएर काम गर्ने प्रतिबद्धता समेत व्यक्त गरेका छन् ।
आजै प्रधानमन्त्री प्रचण्ड कृषि तथा वन विज्ञान विश्वविद्यालयको दिक्षान्त समारोहमा सहभागी हुनेछन् ।
आजै दिउँसो १ बजे काठमाडौं फर्किने कार्यक्रम रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया