काठमाडौं । प्रधानमन्त्री पुष्पकमल दाहाल ‘प्रचण्ड’ चितवन पुगेका छन् ।
भरतपुर विमानस्थलको टर्मिनल भवन शिलान्यासको लागि प्रधानमन्त्री प्रचण्ड चितवन उडेका हुन् ।
मन्त्रिपरिषद् विस्तारको लागि आज निर्णायक बैठक बसिरहेको छ । केहीबेर बैठकमा सहभागि भएर प्रधानमन्त्री प्रचण्ड बालुवाटारबाटै हेलिकोप्टरमा चितवन उडेका हुन् ।
प्रधानमन्त्री प्रचण्ड आजै दिउँसो १ बजे काठमाडौं फर्किने कार्यक्रम रहेको छ ।
बुधबार बसेको बैठकले मन्त्रिपरिषद् विस्तारका लागि मोटामोटी काम सकाएको र आज मन्त्रिपरिषद् विस्तारको अन्तिम निर्णय हुनसक्ने बताइएको छ ।
दलहरुले आ–आफ्नो अडान नछाडेपछि प्रधानमन्त्रीले पहिलो चरणमा सानो आकारको मन्त्रिपरिषद् विस्तार गर्ने तयारीमा छन् ।
वर्तमान गठबन्धनमा १० दलरहे पनि ९ दल मात्रै सरकारमा सहभागि हुने भएको छ ।
यो खबर पढेर तपाईलाई कस्तो महसुस भयो ?
प्रतिक्रिया