काठमाडौं । अमृतपाल पञ्जाब प्रहरीबाट भाग्न सफल भएका छन् । भारतीय सञ्चार माध्यम पत्रिमा डट कमका अनुसार अमृतपाल सिंह एक अन्तर्राष्ट्रिय च्यानललाई अन्तर्वार्ता दिन पञ्जाब फर्किएका थिए ।
उनको योजना सम्पूर्ण मामिलामा बयान दिने र त्यसपछि पञ्जाब पुलिस समक्ष आत्मसमर्पण गर्ने रहेको थियो । तर प्रहरीलाई चकित पारेर उनी फेरी फरार भएका छन् ।
खालिस्तानी समर्थक अमृतपाल सिंहको बारेमा हरेक दिन नयाँ नयाँ जानकारीहरू आइरहेका छन्। फरार भएका अमृतपाल सिंह मंगलबार राति होशियारपुरमा प्रहरी नाका तोडेर फरार भएका छन् । प्रहरी टोलीले उनलाई निरन्तर पछ्याइरहेको छ ।
अमृतपाल पञ्जाबमा रहेको दाबीपछि पञ्जाब प्रहरीले होशियारपुरमा खोजी अभियान चलाएको छ। पञ्जाब प्रहरीको काउन्टर इन्टेलिजेन्स टोलीले अमृतपाल सिंह अन्तर्राष्ट्रिय समाचार एजेन्सीलाई अन्तर्वार्ता दिन लागेको जानकारी पाएको थियो। यसका लागि उनी पञ्जाब आएका थिए । पछि आत्मसमर्पण गर्न लागेका थिए । उनी श्री अकाल तख्तका जथेदार ज्ञानी हरप्रीत सिंहपछि आत्मसमर्पण गर्ने तयारीमा रहेको बताइएको छ ।
पञ्जाब प्रहरीले उनलाई पक्रन मंगलबार राति फगवारा-होशियारपुर सडकमा घेराबन्दी बढाएको छ। स्रोतका अनुसार होशियारपुरमा एउटा इनोभा कार भेटिएको थियो। जसमा अमृतपाल रहेको आशंका गरिएको थियो ।
