नेपालको एकदिवसीय वरीयता यथावत

काठमाडौं । नेपाल एकदिवसीय अन्तराष्ट्रिय वरीयतामा यथावत रहेको छ । अन्तर्राष्ट्रिय क्रिकेट परिषद् (आईसीसी) ले बुधबार सार्वजनिक गरेको वरीयतामा नेपाल १५ औं स्थानमा कायमै रहेको छ ।

गत साता भएको वरीयतामा ओमानलाई पछि पार्दै नेपाल १५ औं स्थानमा उक्लिएको थियो । नेपाल भन्दा पछाडी ओमान,नामिबिया,अमेरिका,युएई र पपुवा न्युगिनी रहेका छन् ।

अष्ट्रेलिया वरीयताको शीर्ष स्थानमा रहेको छ भने भारत दोस्रो, न्युजिल्यान्ड तेस्रो र इंग्ल्यान्ड चौथो स्थानमा छ ।