काठमाडौं, ६ कात्तिक— यसअघि नै चितवनबाट चुनाव लड्ने घोषणा गरेका पूर्व प्रधानमन्त्री तथा माओवादी केन्द्रका अध्यक्ष प्रचण्ड पछि हट्न लागेको चर्चा सुरु भएको छ ।उनी चितवन क्षेत्र नम्बर ३ बाट चुनाव लड्न छाडेर बर्दिया क्षेत्र नम्बर १ बाट चुनाव लड्ने तयारीमा लागेका हुन् ।एमालेसँग बाम गठबन्धन बनाएर चुनावमा होमिएको माओवादी केन्द्रले पार्टी अध्यक्ष प्रचण्डलाई बर्दियाबाट चुनाव लडाउने तयारी गरेको बताइएको छ ।बर्दिया—१ एमाले उपाध्यक्ष वामदेव गौतमको क्षेत्र हो ।एमाले जिल्ला कमिटी बर्दियाले उपाध्यक्ष गौतमलाई बर्दिया क्षेत्र नम्बर १ बाट प्रतिनिधिसभा सदस्यमा उठाउन सर्वसम्मत सिफारिस गरिसकेको थियो । तर, अहिले उनी प्रचण्डलाई सो क्षेत्र छाडेर प्युठान सर्न लागेको बताइन्छ ।यसबारे प्रचण्डको सचिवालयले भने औपचारिक धारणा बाहिर ल्याइसकेको छैन ।
