बागमती प्रदेश सभाको बैठक चैत १० गतेसम्मका लागि स्थगित

काठमाडौं । बागमती प्रदेशको प्रदेशसभा बैठक स्थगित भएको छ ।

आज बसेको बैठकमा मुख्यमन्त्री शालिकराम जमकटेलले विश्वासको मत लिने कार्यसूची रहेको थियो । तर नेपाली कांग्रेस उपस्थित नभएपछि बैठक स्थगित भएको हो ।

१० गतेका बैठक बोलाइएको र उक्त बैठकमा मुख्यमन्त्रीले विश्वासको मत लिने प्रदेश सभा सचिवायलका प्रवक्ता मनोजकुमार गुप्ताले लोकपथलाई जानकारी दिए ।

‘बैठक १० गतेसम्मका लागि स्थगित गरिएको छ ।’ उनले भने, ‘सो दिन मुख्यमन्त्रीले विश्वासको मत लिने कार्यसूची रहेको छ ।’

आज ३ बजेका लागि प्रदेश सभा बैठक बोलाइए पनि मुख्यमन्त्रीले एकलौटी ढंगले जान खोजेका कारण उपस्थित नभएको कांग्रेसका एक प्रदेश सभा सदस्यले जानकारी दिए ।