रास्वपाले सरकारलाई विश्वासको मत दिने

काठमाडौं । राष्ट्रिय स्वतन्त्र पार्टी (रास्वपा) ले सरकारलाई विश्वासको मत दिने भएको छ ।

आज बसेको प्रतिनिधि सभा बैठकमा बोल्दै रास्वपा सांसद डोलप्रसाद अर्यालले यसअघि दिएको विश्वास कायमै राख्ने जानकारी गराए ।

गत पुस २६ गते रास्वपाले सरकारलाई विश्वासको मत दिएको थियो । तत्कालिन गठबन्धन भत्किएसँगै रास्वपाले सरकार छाडे पनि सरकारलाई दिएको समर्थन कायमै राखेको थियो ।

संसदमा बोल्दै उनले सांसदहरुले संसदमा उठाउने विषयबारे समेत ध्यानाकर्षण गराए ।
यसअघि कांग्रेसले विश्वासको मत दिने घोषणा गरिसकेको छ । भने यता नेकपा एमालेले विश्वासको मत दिन नसक्ने जानकारी गराइसकेको छ ।